මහත අයට කෙට්ටු වෙන්න කස කසා ඇට පානක්

බොහෝ දෙනා කස කසා ඇට යොදාගනු ලබන්නේ ආහාර වර්ග හා බීම වර්ගවල අලංකාරය සඳහාය. විශේෂයෙන් බීම වර්ගවලට මෙන්ම වටලප්පන්, පුඩිං, සලාද, ජෙලිවලට රසකාරකයක් මෙන්ම අලංකාරයත් සඳහා කස කසා ඇට යොදා ගැනේ. නමුත් බොහෝ දෙනා නොදැන සිටි කරුණක් වන්නේ කස කසා ඇටවල ඉතා ගුණදායක පෝෂ්‍ය පදාර්ථයන් ඇති බවය.

හින්දි භාෂාවෙන් කස කසා ඇට හඳුන්වනු ලබන්නේ කුෂ් කුෂ් ලෙසිනි. කස කසා ඇට නිල් සහ සුදු වර්ණවලින් යුක්තය. කස කසා ඇට ග්‍රෑම් 100ක පෝෂණ ගුණය ලෙසින් ශක්තිය කිලෝ කැලරි 525, කාබෝහයිඩ්‍රේට් ග්‍රෑම් 28.13, ප්‍රෝටීන් ග්‍රෑම් 17.99, සම්පූර්ණ මේදය ග්‍රෑම් 41.56, (මෙහි කොලෙස්ටරෝල් නැත) කෙඳි ග්‍රෑම් 19.5, පෝලේට් මයිකෝ ග්‍රෑම් 82, නියසීන් මිලිග්‍රෑම් 89, අන්තර්ගත වේ. මීට අමතරව තවත් පෝෂ්‍ය ගුණයන් කිහිපයක්ම කස කසා ඇටවල අඩංගුව පවතී.

කස කසා ඇටවල තෙල් මඟින් කාන්තාවන්ගේ සරුභාවය වැඩිදියුණු කරගත හැක. විශේෂයෙන් පැලෝපීය නාලවල ඇති අපද්‍රව්‍ය කොටස, අනවශ්‍ය කොටස, දියකර හැරීමේ හැකියාවත් කසකසා ඇටවල අන්තර්ගතව පවතී.ලිංගික ශක්තිය උත්තේජනය කිරීමේ හැකියාවත් කසකසා ඇටවල පවතී. කස කසා වල ඇත්තේ ජලයේ දිය නොවන කෙඳිවන අතර ඒවා ආහාර දිරවීම සඳහා ඉතා ප්‍රයෝජනවත් වේ. එමඟින් මළ හොඳින් පිටකිරීමට උදව් කෙරේ. අර්ශස් ඇති රෝගීන්ට කස කසා ඇට ඉතා ගුණදායක වේ.

කස කසා ඇට අඩංගු බීම වර්ග පානය කිරීමෙන් කෝටිසෝල් (හෝමෝනය) පහළ බසී. එමඟින් මානසික පීඩනය දුරැකර ආතතිය අඩුකර සිරුර නිශ්චලතාවයට පත්කර නින්ද හොඳින් ඇති කෙරේ. මේ නිසා නින්දට පෙර කස කසා ඇට සහිත බීම වීදුරුවක් පනය කර නින්දට යාමෙන් මහන්සිය දුරැකර සුවබර නින්දක් උදාකරයි.

නිතරම තුවාල හටගන්නා රෝගීන්ටද කස කසා ඇට සහිත බීම ඉතා ගුණදායක වේ. එමඟින් සිරුර සිසිල් කිරීමක් සිදුවන අතර විශේෂයෙන් මුඛයේ තුවාල ඉතා ගුණදායක වේ. මෙහි කාබෝහයිඩ්‍රේට් ඇතුළු බොහෝ පෝෂණ සංඝටක අන්තර්ගතව පවතී. එම නිසා ප්‍රතිශක්තිය ඇතිකර රෝග ඇතිවීම වළකාලයි. මොළයේ ක්‍රියාකාරීත්වයට උදව් කෙරේ. මේ නිසා බුද්ධි වර්ධනය සඳහා බොහෝ උපකාරී වේ.

සැලකිය යුතු ප්‍රමාණයේ කැල්සියම් අන්තර්ගතව පැවතීමෙන් බොහෝ රෝග වළක්වා ගැනීමට උදව් කෙරේ. පැලෝපීය නාල අවහිරතා මඟහැරේ. ආර්තවහරණයෙන් පසුව කාන්තාවන්ට ඇතිවන අස්ථි සම්බන්ධ රෝග සඳහාද ඉතා ගුණදායක වේ. සැලකිය යුතු කෙඳි ප්‍රමාණයක් අඩංගු වීම නිසා දියවැඩියා රෝගීන්ටද ගුණදායක වේ.

හිසකෙස්වලට මෙන්ම සමටද ඉතා ගුණදායක වේ. දද කුෂ්ඨ ඇතිවීම වළකාලයි. විටමින් බී 6 අඩංගු වීම හේතුවෙන් රක්තහීනතාවයට ඉතා ගුණදායක වේ. පිළිකා නාශක ගුණයත් කස කසා ඇටවල පවතී. විටමින් බී සහ කැල්සියම් මඟින් ස්නායු පද්ධතියේ රෝග ගණනාවකට සුවය ලබාදේ. තයිරොයිඩ් ග්‍රන්ථයේ ක්‍රියාකාරීත්වයට මෙය උදව් කෙරේ. පෙනීමට ඉතා ගුණදායක වේ.

නමුත් කිසි විටකත් එක දිගට සෑම දිනකම කස කසා ඇට ගැනීමත් බොහෝ ප්‍රමාණයක් එක්වරම ගැනීමත් අහිතකරය.මෙසේ එකවර කස කසා පෙඟෙන්නට තබා ගැනීමෙන් වැඩි කොටස බෝතලයකට දමා පානය කළ හැක.

අද කාලේ අපි බටහිර වෛද්‍ය ක්‍රම පස්සෙ ගියාට ඉස්සර කාලේ හැම ප්‍රශ්ණයකටම විසදුම දුන්නේ ස්වාභාවිකබෙහෙත් මගින්. ඉතින් බර අඩු කරගන්න දගලන අයට රසම රස බීමක් හදන්න කියලා දෙන්නයි හදන්නේ. මොනාද අවශ්‍ය ද්‍රව්‍ය කියලා බලමු.

• මී පැණි මේස හැදි 2ක්
• ලෙමන් ගෙඩියක්
• කස කසා මේස හැදි 2ක්ව
• තුර කෝප්ප 1 1/2 ක්

කස කසා ඇට වතුර ස්වල්පයකට දාලා පැයක් පමණ තබන්න. පිටතින් ඇති වතුර බුබුලක් වගේ ආවරණය තමයි කස කසා ඇට වල ඇති තන්තුමය කොටස ඒවාට වතුර උරා ගන්නවා. ඉන්පසුව මේ ද්‍රව්‍ය සියල්ල එකට මිශ්‍ර කර බ්ලෙන්ඩර් කර උදේ හිස්බඩ පානය කරන්න.

දියවැඩියාව සුව කරන බිලිං

බිලිං කියන්නේ ලෝකයේ තියෙන පළතුරු වර්ගවලින් නිතරම වගේ අවතක්සේරු වන පළතුරු වර්ගයක්. බිලිං තරමක් කාමරංගා වලට සමාන කමක් දැක්වුවත් බිලිං වල කාමරංගා වලට සමාන නොවන තද ඇඹුල් රසක් තමයි අන්තර්ගත වෙන්නේ. ඒවගේම, ලොවපුරා විවිධ ඉයුම් පිහුම් කටයුතු සදහා බිලිං භාවිතා කරනවා. බිලිං කියන්නේ උෂ්ණාධික දෙයක්විදියට තමයි සැලකෙන්නේ. විටමින් B සහ C යකඩ, පොස්පරස් සහ විශාල ප්‍රතිඔක්සිකාරක බලයකින් සපිරි මේ පළතුරේ නිජභූමිය වෙන්නේ පිලිපීනයයි. මේ බිලිං කියන පළතුර ලොවපුරා වගා කරන අනෙත් පළතුරු වර්ග තරම්ම ප්‍රසිද්ධියක් ඉසිලුවේ නැතත් අප නොසිතන තරමේ විශාල පෝෂණ ගුණයක් බිලිං තුල අන්තර්ගත වනවා. බිලිං භාවිතයෙන් අපට ලබාගත හැකිසෞඛ්‍යය වාසි වලින් ඉතාමත් වැදගත් වන සෞඛ්‍යය වාසි කිහිපයක්.ගැන තමයි මේ ලිපියෙන් කතා කරන්නේ

තද දම් රතු මලින් හා දිගටි කොළ පැහැති පොකුරුවලින් පලබරව අලංකාරවන බිලිං ශාකය Oxalidaceae කුලයට අයත්වූවක්.විටමින් C බහුල, විටම්න් B ප්‍රභේද A සහ යකඩ පොස්පරස් කැල්සියම් ඇතුළු පෝෂක ගණනාවකින් යුතු, ශාකයක්. ගෙඩියෙන් 94% ක් පමණ පෝෂණීය ජලයෙන් යුක්තයි . ප්‍රතිශක්ති ප්‍රති ජීවක ප්‍රති අසාත්මික ගුණ හා ප්‍රති ඔක්සිකාරක ගුණ සහිතයි.
ආසියානු සම්භවයක් සහිත බිලිං 1793 න් පසු ඕස්ට්‍රේලියාව අප්‍රිකාව වැනි අනෙක් මහාද්වීපවල ද පැතිර ගිය අතර, සියලු රටවල ආහාර මෙන්ම ඖෂධ සඳහා ද යොදා ගනු ලබනවා.පලතුරක් සේ බිලිංගෙඩි කෑමට ගන්නා අතර වෑංජන, චට්නි අච්චාරු රසකැවිලි, බීම වශයෙන් ද සකසා ගන්නවා. ආහාර සැකසීමට පෙර ඇඹුල් ගතිය අඩුකිරීමට හුණු මිශ්‍ර දියේත්, අළු මිශ්‍ර දියේත්, ලුණු කහ මිශ්‍ර දියේත් තැප්පෙන්නට තබා තියනවා. ගෙඩිවල දෙපැත්ත ,කපා හුණු දැමූ ජලයේ පැය 12 ක් ගිල්වා තබා ගොඩට ගෙන, රත්කරගත් සීනි ද්‍රාවණයක වරින්වර දිනකීපයක් තැබීමෙන්, වියළි මිදි වැනි රසකැවිල්ලක් සකසා ගත හැකියි.

බිලිං උදරයට හිතකරයි. ආහාර රුචිය වඩන ගුණයෙන් යුතුයි. මලබද්ධය දුරු කරන්නක් උණ අර්ශස් ,ශීතාද රෝගය, දියවැඩියාව කැස්ස, උල්ලෝගම් ආදි රෝග ප්‍රතිකාර සඳහා යොදාගන්නවා එය චර්ම රෝග, කැසීම්, ඉදිමුම්, වලට එරෙහිව ප්‍රතිචාර දක්වන්නක්.එහි ඇති කැරොටින් කොලජන් හා oxalic acid සමට ඉතා හිතකරයි. කුරුළෑ ලප දුරුකර සම දීප්තිමත් කර වඩා තරුණ පෙනුමක් ලබා දෙමි න් රූපලාවණ්‍ය වර්ධකයක කාර්‍යහාරය ඉටුකරනවා.එසේ ම නීරක්තිය දුරුකරන්නක් හා තරබාරුව පාලනය කරන්නක්.බිලිං උගුරේ ආසාදන, , කැස්ස උල්ලෝගම් සුවපත් කරනවා.මාංශපේශි වේදනා දුරන අතර කම්මුල් ගායට සහන සලසනවා.දත් හා අස්ථිවල සෞඛ්‍යය රැක දෙනවා.සන්ධි ඉදිමුම් බැහැර කරමින් ආතරයිටිස් රෝග පාලනය කරනවා.අධි රුධිර පීඩනය උපදංශ ,වැනි රෝග ප්‍රතිකාර සඳ හා බිලිං ගෙඩි හා කොළ යොදාගන්නා බව සඳහන්.

කැස්සට ඖෂධයක් ලෙස-මහදුරු ඇට කිහිපයක් සමග බිලිංගෙඩි තුනක් සහ සීනි එක්කර මිශ්‍රණයක් භාවිතා කරලා ඔබට පුළුවන් ලේසියෙන්ම කැස්ස සුවකරගන්න. මේ මිශ්‍රණය නටන උණු ජලයේ හොදින් තම්බාගෙන පැය කිහිපයක් වාෂ්ප වෙන්න ඉඩ හරින්න. ඊළඟට මේ මිශ්‍රණය හරි අඩ බැගින් භාජන දෙකකට දමාගෙන එක් කොටසක් උදෑසනම හිස්බඩ පානය කරන්න. ඉතිරි කොටස සන්ද්‍යා කාලයේදී පානය කරන්න.

දියවැඩියාව සුව කරන ඖෂධයක් ලෙස-දියවැඩියා රෝගීන්ට බිලිං විශාල ලෙස ප්‍රයෝජනවත් වෙනවා. ඔබත්දි යවැඩියාව රෝගයෙන්පී ඩා විදින අයෙක් නම් බිලිං ගෙඩි 6 ක් ගෙන තලා වතුර වීදුරුවකට එක්කර වතුර පැසෙන කල් රත්කර නිවාගෙන දවසට දෙවරක් පානය කරන්න.

කුරුලෑ වලට සුවය දෙන ඖෂධයක් ලෙස-බිලිං තුල අන්තර්ගත වන ආම්ලික ද්‍රාවන නිසා ඵලදායීව කුරුලෑ සුවකර දීමේ හැකියාව තිබෙනවා. බිලිං ගෙඩියකින් කුඩා කැබැල්ලක් කපාගෙන ආසාදනය ඇති වූ ස්ථානයේ තබා සුවවීමේ ක්‍රියා වලිය සිදු වන තුරු විනාඩි කිහිපයක් සිට එම ස්ථානය පිරිසිදු ජලයෙන් සෝදා හරින්න.

උගුරේ ඇති වෙන උල්ලෝගම සදහා ප්‍රතිකාර සිදු කිරීමට (මෙය දිලීර වර්ග නිසා මුඛයේ සහ උගුරේ ඇති වෙන ආසාදන තත්වයකි. මෙය ඇති වූ විට මුඛය තුල සුදුපැහැති ලප ඇතිවේ.)
මේ ප්‍රතිකාර ක්‍රමය තරමක් වේදනාකාරී වුවත් බිලිං තුල අන්තර්ගත වන ආම්ලිකතාවයනිසා මෙය ඵලදායී ප්‍රතිකාර ක්‍රමයක් වනවා. ඔබටත් මේ ආසාදන තත්වය ඇතිවෙලා නම් බිලිං ගෙඩියක් තලා ආසාදනය ඇතිවූ ස්ථාන වල තබන්න.

රූමැටික්-වරින් වර ඇතිවෙන සන්ධි වල වේදනාව සුවකර ගැනීමට බිලිං පත්‍ර මිටක් ගෙන හොදින් අඹරා ජලය මිශ්‍ර කර මිශ්‍රණයක් සකස් කරගෙන ආසාදිත තත්වය ඇති ස්ථානයේ දිනකට දෙතුන් වතාවක් ආලේප කරන්න.

මාංශපේශි තද ගතියට ප්‍රතිකාර සිදු කිරීමට බිලිං පත්‍ර මිටකට බිලිං ගෙඩියක්, සුදුළුනු බික් දහයක්, ගම්මිරිස් ඇට පහළොවක් සහ විනාකිරි ස්වල්පයක් එකතු කර හොදින් අඹරා මිශ්‍රණයක් සකස් කරගන්න. මේ මෘදු මිශ්‍රණය මාංශ පේශි වල තද ගතිය ඇති ස්ථාන වල ආලේපකරන්න.

දත් කැක්කුමටප්‍රතිකාර ක්‍රමයක් ලෙස-ඔබට දත් කැක්කුමක් ඇති වූ අවස්ථාවක තලා ගත් බිලිං ගෙඩියකින් ස්වල්පයක් වේදනාව ඇති දතේ තබාගන්න. මේ සරල ඖෂධය ෆාමසි වලින් ලබාගන්න තිබෙන වේදනා නාශක වලට වඩා ප්‍රභල ඖෂධයක් වේවි.දත්වල අව පැහැය දුරු කිරීමට බිලිං ගෙඩියක් දෙකක් හොඳින් හපා දත් බුරුසුවකින් දත් මදින්න.පාදයේ, කටුවක් ඇනුණු විට-බිලිං ,ගෙඩියක් උණු අළු පල්ලේ තම්බා බඳින්න.

කොලෙස්ටරෝල් සුව කරන පේර කොළ සත්කාරය

හැමෝම පේර දන්නේ පලතුරක් විදියටම නමුත් ඊට වඩා පේර වල අඩංගු වෙනවා පේර කොන්ඩෙට ඉතාම ගුණදායක දෙයක් කිව්වොත් ඔබ පුදුම වෙයි ඔව් ඇත්තෙන්ම ඒක හරිම ගුණ දෙයක්.ප්‍රතිඵල සහතිකයි.පේර කොල සහ ගෙඩි වල ඇති ප්‍රධාන සංඝටකයන් ලෙස විටමින් A,C,B2 ,පොටෑසියම් ,තන්තු සහ ලයිකොපින් හඳුනාගත හැකියි..මේ සියල්ලම නීරොගි කෙස කලඹකට අපිට උපකාරි වෙනවා ..පේර වල තියන විටමින් C ප්‍රමාණය දොඩම් වල තියන විටමින් C ප්‍රමාණයට වඩා වැඩි විටමින් B2 සෛල හා පටක අලඅලුත්වැඩියා කිරිමට දායක වෙනවා…එම නිසාම පේර නීරෝගීමත් හිසකෙස් , නියපොතු ,සමක් ලබාගැනීමට දායක වෙනවා.

දවසකට පේර ගෙඩි දෙකක් කෑවොත් වෛද්‍යවරයා ඈත්වෙනවා’ කියා කියමනක් තියනවා. එයට තව කොටසක් එකතු කළයුතු යයි ඔබට අද හිතේවි. ‘ගෙවත්තේ පේර ගසක් වවා ගත්තොත් බෙභෙත් වෙළඳ සැලෙනුත් ඇත්වෙනවා’ කියා. වතුවල ඉබේටත් හැදෙන පේරගසේ, කොළවල ඇති විස්මිත ගුණ ගැන යි මේ කියන්න හදන්නේ.විටමින් ඒ සී වලින් පොහොසත්, තන්තු පොටෑසියම් සපිරි ක්ෂුද්ර ජීවී නාශක, හා විවිධ රෝගනාශක වලි යුතු පේර කොළ ඔබේ සිරුරේ නොයෙකුත් අපහසුතාවලට පිළියමක් සේ යොදාගන්න පුළුවන්.කොළ තම්බා තේ පානයක් ලෙස බීමෙන් ද , තැම්බූ දිය සේදීමට ගැනීමෙන්ද, පානීය ජලය යොදා අඹරා ගැනීමෙන් ද, පේර කොළ ඖෂධයක් සේ පාවිච්චි කළ හැකියි.

භිසට – හිසකේ වැටීම නවතා මනාව කෙස් වැවීම සඳහා පේර කොළ තැම්බූ වතුරෙන් හිස සේදීම සුදුසුයි, භිස් සොරිවලින් මිදීමට කොළ අඹරා තලපයක් කොට හිස් කබලේ ගා අතුල්ලා මඳ වෙලාවකින් සෝදා හරින්න.

මුහුණට – බ්ලැක් හෙඩ්ස් හා මුහුණේ රැලි වැටීම් සඳහා පේර කොළ පානීයජලය සමග අඹරා අදාල පෙදෙස්වල ගල්වන්න. මුහුණ සුන්දර වී වඩා තරුණ පෙනුමක් ලැබේවි.

දත්වලට – දත් කැක්කුමට දළුකොළ සපන්න. කොළ තැම්බූ දියෙන් කට සෝදන්න. විදුරු මසින් ලේ ගැලීම, මුඛය දුගඳ හැමීම වැනි අපහසුතාවලදී කොළවතුරෙන් දිනපතා කට සෝදන්න.කැස්ස හා ඛ්රොන්කයිටීස් අපහසුතා සඳහා පේරකොළ තේ පානය සසන සලසනව.

මුත්‍රා ආබාධ – මුත්‍රා දැවිල්ල හා නිතර මුත්රා කිරීමේ උවමනා දැනීම වැළැක්වීම සඳහා ග්රෑම් 10 ක පේරකොළ යුෂ හා ග්රෑම් 50 ක මුද්රප්පලම් එකට මුසුකොට උදේරෑ බොන්න. පිරිමින් ගේ මඳසරු බවට පේර කොළ පානය යහපත්. පුරස්ථි ග්රන්ථි වල ඉදිමීම මෙන් ම පිළිකා සඳභා ද ඉන් සහනය ලැබෙනවා.

කොලොස්ටරෝල් මට්ටමේ – අහිතකර LDL අඩුකර හිතකර HDL වැඩිකර දීමටත් පේර කොළපානය සමත් වෙනවා. දියවැඩියා ව පාලනය කිරීමට එයට ඇත්තේ විශේෂ භැකියාවක්. තරබාරුව හා බර අඩුකිරීමටත් එය සමත්. තන්තු සහිත වූ බීමෙන් කුසගිනි අඩුවී වැඩි ආහාර ප්රමාණයක් ගැනීමේ උවමනාව නැතිවෙනවා. කෘමීන් දෂ්ට කළවිට පේරකොළ අඹරා තැබීමෙන් එය විෂබීජ නාශකයක් සේ ද ක්රියාත්මකවෙමින් සුවය ලබා දෙනවා. සීරීම් කැපුම් තුවාල දද කුෂ්ට ආදිය සුවකිරීමටත් ඊට හැකියි. මල බද්ධය හා අජීර්ණය ප්රතිවිරුද්ධ රෝග ලක්ෂණ වලින් යුතු වුවත් , පේර කොළ තැම්බූ වතුර පැය 8 කට වරක් පානය කිරීමෙන් ඒ දෙකට ම සහනය ලබාගත හැකියි.දැන් බලමු පේර කොල සත්කාරය සාදන ආකාරය ගැන…පේර කොල මිටක් විනාඩි විස්සක් පමණ හොඳින් තම්බාගෙන නිවෙන්නට හැර හිසෙහි ගා පැය භාගෙකින් සෝදා හරින්න දැන් බලමූ පේර තෙල් එකක් හදන විදිය ගැන අවශ්‍ය දෑ

• පේර කොල මිටක්
•  කරපිංචා කොල
•  ගොටුකොළ
•  මුකුනුවැන්න
•  කොහොඹ කොල මිටක්
•  උළුහාල්
•  සුදු පොල්තෙල්
•  විටමින් E කරල්
•  ඔලිව් ඔයිල්

ඉහතින් ඇති කොල සියල්ල සෝදා සිහින්ව කපාගන්න…පිරිසිදු භාජනයක් ලිප තබා සුදු පොල්තෙල් දමා මඳ වෙලාවකින් කොල සියල්ල හා උළුහාල් දමා වර්ණය වෙනස් වෙනතුරු තබා ලිප නිවා තෙල සිසිල් වෙන්නට දෙන්න..ලස්සන කොලපාටක් තියෙන්න ඕනෙ..එතකොටයි හරියටම තෙල් එක හැදිලා තියෙන්නෙ…තෙල් එක පෙරාගෙන පිරිසිදු වීදුරු බෝතලයකට දමාගෙන ඉන්පසු ඔලිව් ඔයිල් හා විටමින් E එකතු කරගන්න…ප්‍රමානයන් දක්වලා නැති නිසා ඔයාලා හදාගන්න ප්‍රමාණය අනුව ද්‍රව්‍ය අඩු වැඩි කරගන්න…මේ සත්කාරයන් දෙකම සති දෙකක් විතර දවසක් හැර දවසක් කලාම ප්‍රතිඵල ඔයාලටම බලාගන්න පුලුවන් වේවි.

සෙම අමාරුව නැති කරන සත්කාර 11ක්

ලොකු කුඩා කාට කාටත් නිතර නිතර හැදෙන දෙයක් තමයි මේ සෙම කියන්නේ. විවිද හේතු නිසා සේම ආමරුව හැදෙන්න පුළුවන් නමුත් ගොඩක් දෙනෙක් පොඩ්ඩක් සෙම හදුනා ගමන් දුවන්නේ පෙති බින්න නේ.ඉතින් ඉස්සරනම් අපේ අත්ම්මලා ගෙදරදීම මේ දේවල් වලට යම් සත්කාර කරා.අද ගොඩක් දෙනෙක් මේ දේවල් ගැන දන්නේ නෑ.අද අපි ඔබව දැනුවත් කරන්න යන්නේ සෙම හැදුනාම ගෙදරි කරන්න අත් බෙහෙත් වට්ටෝරු කිහිපයක් ගැනයි.සෙමට අත්බෙහෙත් ගැන කතා කරන්න අපි අද සුදානම්. ඕනෑම රෝගයක් වැඩිවෙන්න නැතුව පාලනය කර ගන්න, නැතිනම් එම රෝගය වළක්වන්න පුළුවන් නම් කොච්චර දෙයක්ද?

ගම් පළාත් වල නම් ඔය පුංචි පුංචි දේවල් වලට අත්බෙහෙත් තියෙනවා.අත්බෙහෙත් කියන්නේ වෛද්‍යවරයා නිර්දේශ නොකර ඒ ඒ රෝග වලට ගම්වැසියන් ගන්න පුරුදු වෙලා තියෙන පහසුවෙන් සොයා ගන්න පුළුවන් බෙහෙත්.මේ අත්බෙහෙත් භාවිතා කර ප්‍රතිඵල අත් විදින එකේ වරදක් නැහැ.ඒත් ඔබට ප්‍රබල රෝග ලක්ෂණ පෙන්වනවා නම්, නැතිනම් අත් බෙහෙත් කර සුව කල නොහැකි රෝගයක් නම් ඔබ අනිවාර්යයෙන්ම වෛද්‍ය ප්‍රතිකාර සදහා යොමු වීම අවශ්‍ය වෙනවා.

සෙමට අත්බෙහෙත් සෙම කියන්නේ අපි හැමෝම අත්විදින කරදරකාරී ලෙඩක්, මේ සෙමට කරන්න පුළුවන් අත්බෙහෙත් මොනවාද කියලා අපි බලමු.සෙමක් හැදෙන බවට මුල් සලකුණු දැනෙද්දී ආච්චි අම්මාගේ කොත්තමල්ලි මුට්ටියක් ලිප උඩ නටන්න ගන්නවා.සෙම හෙම්බිරිස්සාව හැදෙන්න එනකොට කොත්තමල්ලි ටිකක් බිව්වාහම සෙම හොද වෙනවාලු. සමහරු නම් ඉගුරු කෑල්ලක් ඒකට තලලා දානවා.කොත්තමල්ලි සෝදලා වේලලා කුඩු කරගන්න. එය පිරිසිදු කරගත් බෝතලයක ගබඩා කර ගන්න. බබාට සතියට දෙවරක් මේ කොත්තමල්ලි කුඩු තේ හදනවා වගේ හදලා දීමෙන් සෙම් රෝග අඩුකරගන්න පුළුවන්ලු.සෙමට තව ගුණ බෙහෙතක් තමයි ලුණු කියන්නේ, මද රස්නෙට ගත්ත වතුර ටිකකට ලුණු හොදින් කලවම් කරලා උගුර හෝදන්න. සමහරු නම් සෙම කැඩිලා යන්න කියලා මේකටම ගම්මිරිස් කුඩු ටිකක් එකතු කරනවා.
සෙම් ගෙඩි සදහා අමු ඉගුරු, සුදුලූණු, ගම්මිරිස්, සමව ගෙන දෙහි ඇඹුල් එකතුකර පොට්ටනියක් බැද හක්කේ තබා ගෙන සෙම අරින්න

• දැඩි සෙමට කළු උක් දඬු යුෂ තේ හැඳි 2 මී පැණි තේ හැඳි 1 එකට දමා උදේ සවස බොන්න

• කැස්සට ඉඟුරු පෙති 1 ලුණු කැටයක් ගම්මිරිස් ඇට 2ක් එකට සපා කන්න.

• සෙමට ඇඹුල් දොඩම් තේ හැන්දක ඉස්ම මී පැණි, සීනි සමඟ බොන්න.

• සෙමට මී පැණි තේ හැන්දක්, නාරාං බික් 3, ඉඟුරු ඉස්ම සහ ලුණු කුඩු ස්වල්පයක් සමඟ මිශ්‍ර කර කන්න

• පීනස සමඟ සෙමට ඉඟුරු පියළි රතුළූණු ගොටුකොළ දඬු තම්බා බොන්න.

• පීනස සමඟ සෙමට කහ කුඩු තේ හැඳි 1/2 උණුවතුර කෝප්ප 1/2 ට දමා දියකර බොන්න

• සෙම්ප්‍රතිශ්‍යව සහිත සෙමට දෙහි කොළ තම්බා දුම් අල්ලන්න

• සෙම්ප්‍රතිශ්‍යව සහිත සෙමට බෙලි කොළ පාවට්ටා, නික කොළ තම්බා දුම් අල්ලන්න.

මේ ගැනත් සැලකීලිමත්වෙන්න මේ එදිනෙදා ගෙවල් වල සෙමට භාවිතා වෙන පුංචි අත්බෙහෙත් වර්ග කිහිපයක් විතරයි.ඔබ දන්නා මෙවැනි අත් බෙහෙත් ඇති නම් ඔබත් කමෙන්ට් කරන්න.ඔබට යම් අසාත්මිකතාවයක් ඇත්නම් අත්බෙහෙත් භාවිතයට පෙර වෛද්‍ය උපදෙස් ගැනීම සුදුසුයි.ඒ වගේම සෙම රෝගය කල් පවතිනවා නම්, වෙනත් රෝග ලක්ෂණ ඇත්නම්,රෝගය උග්‍ර වේ නම් අත්බෙහෙත් කරමින් නොසිට නිසි වෛද්‍ය ප්‍රතිකාර ලබාගන්න

බෞද්ධයන්ට අහිමි කර විශ්ව විද්‍යාල

අද වෙනකොට හැමෝම බටහිර සංස්කෘතියට අනුව හැඩ ගැහිලා හෙළ වත් පිළිවෙත් නිකන් කොනකට දාලා තමයි ජීවත් වෙන්නේ.නමුත් අතීතයේ මිනිසුන් ජීවිතය ගොඩ නාගා ගත්තේ මේ බෞද්ධ සංස්කෘතියත් එක්ක.නමුත් අද වෙනකොට බෞද්ධ කියන වචනය තිබුනට උපතින් බෞද්ධ උන හැමෝමත් දුවන්නේ බටහිර ආකල්ප පස්සේ විතරයි.හෙළ වත් පිළිවෙත් හෙළ තාක්ෂණය, හෙළ දැනුමෙන් ප්‍රයෝජන ගන්න මිනිසුන් අඩුයි.ඉතින් අද අපි ඔබව දැනුවත් කරන්න යන්නේ මුස්ලිම්වරුන් ගිනිතබා විනාශ කර බෞද්ධ විශ්ව විද්‍යාල ගැන නොදන්නා ඉතිහාසය ගැනයි.

ඉන්දියාවෙන් බුද්ධාගම අතු ගෑවිලා යන්න ප්‍රධානම හේතුව වුණේ මුස්ලිම් ආක්‍රමණ. එතෙක් කල් හින්දු ආගමිකයන්ගේ තර්ජන ගර්ජන මැද්දේ රැකගෙන ආපු බෞද්ධ විහාරාරාම සම්පූර්ණයෙන්ම භික්ෂූන් වහන්සේලා සමඟ ගිනිබත් කරල දාන්න මුස්ලිම්වරු කුරිරු විදිහට කටයුතු කළා. භික්ෂු සමාජයක පැවැත්මකින් තොරව බුද්ධාගම රැකෙන්නේ නැහැ. මේ නිසා සංඝ සමාජයෙන් තොර වුණු බුද්ධාගම, පරම්පරා කීපයකින් ඉන්දීය සමාජයෙන් සම්පූර්ණයෙන්ම ඉවත් වුණා. අපි අද කතා කථා කරන්න යන්නේ මේ මුස්ලිම් ආක්‍රමණය නිසා බෞද්ධයන්ට අහිමි වුන පුරාණ ඉන්දියාවේ පැවැත්වුණු විශ්ව විද්‍යාල කීපයක් ගැන. ඇත්ත වශයෙන්ම කියනවා නම් මේවා බෞද්ධයන්ගේ උරුමයන් වගේම මානව සංහතියේ උරුමයන්. මෙම විශ්ව විද්‍යාලවලින් ඇති කරපු බුද්ධි සම්ප්‍රදාය දිගටම පැවතුණා නම් ඇතැම් විට අප ජීවත්වන ලෝකය මීට වඩා වෙනස් වෙන්න වුණත් ඉඩ කඩක් තිබ්බා. විශේෂයෙන්ම මේ විශ්වවිද්‍යාල වල තිබුන පුස්තකාලවල දැනුම් සම්භාරය මේ ආක්‍රමණය නිසා අපිට සදහටම අහිමි වුණා.

පුෂ්පගිරි විශ්ව විද්‍යාලය-වර්තමාන ඔරිස්සාවේ පිහිටලා තිබ්බ පුෂ්පගිරි විශ්වවිද්‍යාලය 11 වන සියවස දක්වා තමන්ගේ ආගමික සහ අධ්‍යාපන කටයුතු සිද්ධ කළා. ලලිතගිරි, රත්නගිරි සහ උදිත ගිරි යන කඳු ශිඛර ආශ්‍රිතව මෙම විශ්වවිද්‍යාලය පැතිරිලා තිබ්බා. ජනප්‍රවාදවලට අනුව අශෝක අධිරාජයා විසින් මෙම විශ්ව විද්‍යාලය ආරම්භ කරලා තියෙනවා. මුලින් ථෙරවාදී සම්ප්‍රදාය කේන්ද්‍ර කර ගනිමින් අධ්‍යාපන කටයුතු සිද්ධ වුණත් පස්සෙ කාලෙක මහායාන සම්ප්‍රදායට බරවෙලා මෙහි අධ්‍යාපන කටයුතු සිද්ධ වුණා කියලා විශ්වාස කෙරෙනවා. ඔරිස්සාවට එල්ල වුණු මුස්ලිම් ආක්‍රමණත් එක්ක පුෂ්පගිරි විශ්ව විද්‍යාලයත් විනාශ වෙලා අතීත මතකයක් බවට පත් වුණා

ඕදන්තපුර විශ්ව විද්‍යාලය-ටිබෙට් සහ චීන වාර්තා වලට අනුව දොළොස් දහසක පමණ ශිෂ්‍ය පිරිසක් ඉගෙනගත්ත මේ ඕදන්තපුර විශ්ව විද්‍යාලය පිහිටලා තිබුණේ වර්තමාන බිහාරයේ. මේ විශ්වවිද්‍යාලය පාලි රාජවංශයේ ගෝපාල නම් රජු විසින් ආරම්භ කරපු විශ්ව විද්‍යාලයක් කියලා සැලකෙනවා. අටවැනි ශතවර්ෂයේ ඉඳන් දොළොස් වැනි ශතවර්ෂය වෙනකන් අවුරුදු 400ක් බෞද්ධ අධ්‍යාපනය වෙනුවෙන් කැප වුණු මේ විශ්වවිද්‍යාලය භක්තියාර් කිල්ජි නම් මුස්ලිම් ආක්‍රමණිකයා විසින් ගිනි තබා සම්පූර්ණයෙන්ම විනාශයට පත් කළා.

ජගද්දලා විශ්ව විද්‍යාලය-පාල රාජවංශයේ රම්පාල නම් රජුගේ අනුග්‍රහය යටතේ ඉදිවුණු ජගද්දලා විශ්වවිද්‍යාලය පිහිටා තිබුණේ වර්තමාන බංග්ලාදේශයේ. ජගද්දලා විශ්වවිද්‍යාලය වජ්‍රයාන සම්ප්‍රදායේ භික්ෂූන් වහන්සේලාගේ කේන්ද්‍රස්ථානයක් වුණා. අද පවා ටිබෙට් ජාතිකයන්ගේ පූජනීය ග්‍රන්ථ වල අඩංගු බොහෝ පොත පත ලියැවී ඇත්තේ ජගද්දලා විශ්වවිද්‍යාලය තුළයි. මුස්ලිම් ආක්‍රමණිකයන් අනෙකුත් විශ්ව විද්‍යාල විනාශ කරන බව ආරංචිය ලද වහාම ජගද්දලා විශ්වවිද්‍යාලයේ බොහෝ පඬිවරු තමන්ට රැගෙන යා හැකි පොත පත රැගෙන ටිබෙටය වැනි රටවලට පළා ගියා. මේ නිසා ටිබෙටය තුළ බෞද්ධ ප්‍රබෝධයක් ඇති වුණා.

සෝමපුර විශ්ව විද්‍යාලය-මේ විශ්වවිද්‍යාලය ආරම්භ කරන්න මුල් වෙන්නෙත් පාල රාජවංශයේ රජ කෙනෙක්. ඔහු ධර්මපාල රජු. මේ විශ්වවිද්‍යාලය තුළ බුද්ධාගම ජෛන ආගම සහ හින්දු ආගම තුලනාත්මකව හැදෑරීම සිදු කළා කියල සඳහන් වෙනවා. අක්කර 27ක භූමි භාගයක් පුරා පැතිරුණ මෙම විශ්ව විද්‍යාලයටත් අවසානයේදී මුස්ලිම් ආක්‍රමණ හමුවේ පරාජයට පත් වෙන්න සිද්ධ වුණා .දොළොස් වන සියවසේ සිට දහනවවන සියවස දක්වා මතකයෙන් ඈත් වෙලා තිබ්බ සෝමපුර විශ්වවිද්‍යාලය නැවතත් කැණීම් මගින් තහවුරු කරන්න පටන් ගත්තේ 1920 දී.

වලභි විශ්ව විද්‍යාලය-ඉන්දියාව තුළ බිහිවුනු එකම ථෙරවාදී විශ්වවිද්‍යාලය ලෙස සැලකෙන්නේ වලභි විශ්වවිද්‍යාලය. එය පිහිටා තිබුණේ වර්තමාන ගුජරාට ප්‍රදේශයේ. මේ විශ්ව විද්‍යාලය තුල බුද්ධාගම පමණක් නොව වෙනත් ලෞකික විද්‍යා සහ ශිල්ප ඉගැන්වූ බවට විශ්වාස කෙරෙනවා. උදාහරණයක් විදිහට නීති ශාස්ත්‍රය, දේශපාලන විද්‍යාව, ආර්ථික විද්‍යාව, ගිණුම්කරණය වැනි විෂයය බටහිර විශ්ව විශ්වවිද්‍යාලවල ඉගැන්වීමට සිතීමටත් පෙර කාලයේ වලභි විශ්ව විද්‍යාලය තුළ උගන්වා තිබෙනවා. චීන දේශාටකයකු වන හියුන්සාං නම් භික්ෂුව කියන විදිහට ඒ වන විට භික්ෂූන් වහන්සේලා හය දහසක් සහ විහාරාරාම සීයක් වලභි විශ්ව විද්‍යාල සංකීර්ණය තුළ පැවතිලා තියෙනවා. මුස්ලිම් ආක්‍රමණිකයන් විසින් පළමු වරට වලභි විශ්වවිද්‍යාලය විනාශ කළත් එය නැවත වතාවක් ගොඩනැගීමට එම ප්‍රදේශය පාලනය කළ රජවරු සමත් වෙනවා. නමුත් දෙවෙනි වතාවට විනාශ කිරීමෙන් පසුව නම් වලභි විශ්වවිද්‍යාලය නැවත ගොඩනැගෙන්නේ නෑ.

වික්‍රමශීලා විශ්ව විද්‍යාලය-වික්‍රමශීලා විශ්වවිද්‍යාලය ගොඩ නගන්නෙත් පාල රාජ වංශයේ, ධර්මපාල රජු විසින්. වර්තමාන බිහරයේ පිහිටලා තිබුණු මේ වික්‍රමශීලාව තන්ත්‍රයානික බෞද්ධයන්ගේ ඉගෙනුම් කේන්ද්‍රස්ථානයක් විදිහට ක්‍රියාත්මක වෙලා තියෙනවා. වික්‍රමශීලා විශ්ව විද්‍යාලය සහ නාලන්දා විශ්ව විද්‍යාලය අතර තරගයක් පැවතිලා තියෙනවා. මේ විශ්ව විද්‍යාලයත් අවසානයේ විනාශ කර දමන්නේ භක්තියාර් කිල්ජි විසින්.

නාලන්දා විශ්ව විද්‍යාලය-නාලන්දා විශ්ව විද්‍යාලය සැලකෙන්නේ ලෝකයේ එතෙක් මෙතෙක් බිහිවූ බිහිවූ විශිෂ්ටතම විශ්ව විද්‍යාලය විදිහට. චීනය, ග්‍රීසිය, පර්සියාව වැනි රටවලින් ඉගෙනීම සඳහා නාලන්දාව වෙත ශිෂ්‍යයන් පැමිණිලා තියෙනවා. ඒ වගේම ඉන්දීය රජ වරු පමණක් නොව ඉන්දුනීසියාවේ ශෛලේන්ද්‍ර රාජවංශයේ රජවරු පවා නාලන්දාවට අනුග්‍රහය දක්වා තිබෙනවා. නාලන්දාව ආරම්භ කිරීමට මුල් වූයේ ගුප්ත රාජ වංශිකයන් ලෙස විශ්වාස කරනවා. ඒ පස්වැනි සියවසේ දී. නාලන්දාවේ සුවිශේෂී පුස්තකාල සංකීර්ණයක් පැවැති බවට සාක්ෂි හමු වෙනවා. එය රත්න සාගර, රත්න නිධි, රත්නජංක යන නම්වලින් හැඳින්වුණු පුස්තකාල තුනක එකතුවක්. අවසානයේ දී භක්තියාර් කිල්ජි විසින් මෙම විශ්ව විද්‍යාලයේ සියලුම නේවාසික භික්ෂුන් වහන්සේ ඝාතනය කරලා මුළු මහත් විශ්ව විද්‍යාලයටම ගිනි තබනවා.

දකුණේ රසට මාළු කුකුල් මස් ඇඹුල්තියල් හදන විදිය

කටට රසට කෑම කන්න කවුද අකමැති නේද..? ඒ නිසා ඔන්න අපි අද ඔබට මාතර පැත්තෙ උදවිය පිළියෙල කරගන්න විදිය හා කුකුල් මස් ඇඹුල්තියල් හදන විදිය ගැන කියලා දෙන්න හිතුවා .සමහර විට ඔයා දැනටමත් මේ විදියට මාළු කුකුල් මස් පිළියෙල කරගන්නවා ඇති. කොහොම උනත් දන්න නොදන්න හැමදෙනාම උත්සාහ කරලා බලන්න. ඔබට රසවත් ආහාර වේලක් හදාගන්න මේ ලිපිය ගොඩක් ප්‍රයෝජනවත් වේවි.
මාතර පැත්තට ගියාම දෙවුන්දර,දික්වැල්ල,මිරිස්ස,වැලිගම වගේ දකුණු මුහුදු තීරය ආශ්‍රිත ප්‍රදේශ වලනම් ඉතිං හැමදාටම මාළු වලින් අඩුපාඩුවක් නෑ.ඒ ප්‍රදේශවල ඉන්න ගෘහනියන්ටත් කටට රසට මාළු පිළියෙල කරන්න හොඳට පුළුවන්. එහෙමනම් මුලින්ම මාළු ඇඹුල්තියල් හදන විදිය කියලා දෙන්නම් ඉස්සරවෙලාම මෙන්න මේ දේවල් ටික හොයා ගන්න ඕන.

• මාළු කිලෝ ග්‍රෑම් එකක් (බලයන්,තලපත් හෝ කෙළවල්ලන් වඩාත් රසවත්ය)
•  ගොරකා ග්‍රෑම් 10 ක් පමණ
•  ගම්මිරිස් තේ හැදි 02 ක් පමණ
•  අමුමිරිස් කරල් 4ක් 5ක්
•  කහ තේ හැඳි කාලක් පමණ
•  ලුණු මේස හැඳි 01
•  සුදු ළූණු බික් 4 ක්
•  වියළි මිරිස් තේ හැඳි 01 ක්
•  රමිපෙ කරපිංචා අවශ්‍ය ප්‍රමාණයට
•  තලාගත් ඉඟුරු කැබැල්ලක් සහ කුරුඳු කැබැල්ලක්
•  කරාබු නැටි කිහිපයක්
•  දැන් තියෙන්නෙ මාළු ඇඹුල් තියල් පිළියල කරගන්න එක.

මාළු කිලෝ ග්‍රෑම් 01 තරමක් කුඩා කැබලි වලට කපා හොඳින් සෝදාගන්න ඕන. සොදාගන්නා විට දෙහි ඇඹුල් ස්වල්පයක් ද එක්කරගන්න අමතක කරන්න එපා.පසුව ගොරකා කැබලි ටික උණු වතුරට දමා මද වේලාවකින් මිරිස් ගලක් භාවිතා කර අඹරාගන්න ඉඟුරු, සුදු ළූණු හා වියලි මිරිස් ද අඹරා ගන්න ඉන්පසුව ගොරකා, ගම්මිරිස්, අමුමිරිස්, රම්පෙ, කරපිංචා, ඉඟුරු, වියලි මිරිස්, සුදු ළූණු, කුරුඳු, ලුණු ,කරාබු නැටි ආදී සියල්ලම මැටි බඳුනක (මැටි බඳුන පතුලට කෙසෙල් කොළයක් දා ගන්නත් අමතක කරන්න එපා) දමා හොදින් අතින් මිශ්‍ර කරගන්න පසුව එයට වතුර කෝප්පයක් පමණ එක්කර වතුර හි‍‍ඳෙනතුරු සාමාන්‍ය රස්නයකට අඩිය යාන්තමට රොස් වන තුරු තම්බාගන්න ඕන.දැන් තියෙන්නෙ අවසන් රාජකාරිය. ඒ තමයි ඉතිං රස කර කර කන එක. තව දෙයක් කියන්න අමතක වුනා. මේකට ලුණු,ගම්මිරිස් වගේ දේවල් එකතු කර ගනිද්දි ඔයාගෙ කැමැත්තට අනුව ඒ දේවල් වෙනස් කරගන්න පුළුවන්.

ඇඹුල් තියල් කිව්වම අපි කොයි කාටත් මතක් වෙන්නේ මාළු වලින් හදන ඇඹුල් තියල්. හැබැයි මේ රසවත් කෑම වර්ගය හදන්න මාළු විතරක් නෙවෙයි තව වෙනත් මස් වර්ග උනත් යොදා ගන්න පුළුවන්. ඒ විදියටත් රසම රස ඇඹුල් තියල් හදා ගන්න පුළුවන්. එත් කොහොමද මේක කරන්නේ. මේක තමයි අපි ගෘහණියෝ හැමෝටම දැන් හිතට එන ප්‍රශ්නය. බය වෙන්නට අවශ්‍ය නෑ. ඔබට අවශ්‍ය මග පෙන්වීම හා උපදෙස් මේ ලිපිය තුලින් අපි ලබා දෙනවා.එහෙනම් අහ ගන්නකෝ කුකුල් මස් වලින් ඇඹුල්තියල් හදා ගන්නේ කොහොමද කියලා අවශ්‍ය දේවල්

• කුකුල් මස් 500g
• ගොරකා පේස්ට් මේස හැඳි 2
• ගම්මිරිස් මේස හැඳි 3
• සුදුළූණු පේස්ට් මේස හැඳි 2
• ඉඟුරු පේස්ට් තේ හැඳි 2
•  අඹරාගත් කරපිංච තේ හැඳි 2
• අඹරාගත් අමු මිරිස් තේ හැඳි 2
• කරදමුංගු කුඩු තේ හැඳි ¼
• ලුණු මේස හැඳි 2
• වතුර 250ml

සාදාගන්නා ආකාරය මුලින්ම ගොරකා පේස්ට්, ගම්මිරිස්, අඹරාගත්ත අමුමිරිස්, අඹරාගත්ත කරපිංචා භාජනයකට දාලා හොදට අනාගන්න ඕනෙ. මෙහෙම හදාගන්න මිශ්‍රණය දියාරු එහෙම නෑ. තෙත ගතිය තියෙනවා යන්තම්. එච්චරයි. වතුර එහෙම දාන්න එපා තාම.ඊට පස්සෙ ඉඟුරු, සුදුළූණු පේස්ට් සහ ලුණු දමා හොදින් අනාගන්න. දැන් තව චුට්ටක් තෙත ගතිය වැඩිවෙයි පේස්ට් වල තියෙන තෙත ගතිය හින්දා.දැන් තියෙන්නෙ මේ හදාගත්ත මිශ්‍රණය කුකුල් මස් කැබලිවල ගාගන්න එක.ඔන්න දැන් තමයි අපි මේක ඇතිලියකට දාලා වතුර දාගන්න යන්නෙ. මැටි ඇතිලියක් ගන්න පුලුවන්නම් ගොඩක් හොදයි.ඊට පස්සෙ ඉතින් ඉස්ම හිඳෙනකන් මද ගින්නේ පිසගන්න තමයි තියෙන්නෙ. ඔච්චරයි.දැන් ඉස්ම හිඳෙනකන් මද ගින්නේ පිසගන්න තමයි තියෙන්නෙ. ඔන්න දැන් හදලා ඉවරයි.දැන් තියෙන්නේ මේක පවුලේ ආදරනියන් එක්ක එකතු වෙලා රස විදින්න. එහෙනම් අපි ගියා. ඔබේ රසවත් අත්දැකීම අපි එක්ක බෙදා ගන්නත් අමතක කරන්න එපා. ඔබට ජය

මහා බෝධියේ අත්තක් කැපු උම්මත්තකයා

ජය ශ්‍රී මහා බෝධීන් වහන්සේ වැඩ සිටින්නේ පොළව මට්ටමෙන් ඉහළ විශේෂ පීඨයකය. එම විශේෂ පීඨය‍ට කිසිවෙක් පා තබන්නේ නැත. එය එතරම්ම පූජණීයය. වැඩ හිදිනා පීඨය ලෙස එම ස්ථානය හදුන්වයි. මේ වැඩ හිදිනා පීඨයද සමග මහ බෝධීය සදහා මලු හතක් පිහිටා තිබේ. එනම් වැලි මලුව, විහාර මලුව, දෙවැනි මලුව, රන්වැට මලුව, උඩමලුව පැරණි රන් වැට, මහ බෝ මලුව හා වැඩ හිදින පීඨයයි.සාමාන්‍ය ජනතාවට යාමට අවසර ඇත්තේ දෙවැනි මලුව වෙතය. එහි සිට වන්දනා මාන කටයුතුද කපු මහත්වරුන්‍ගේ දේවාශිර්වාද, විවිධ පූජා කටයුතු සිදුකල හැකිය. පසුගිය සියවසේ මුල් කාලයේදී වන්දනා කරුවන්ට මහ බෝධිය ආසන්නයටම යාමට අවසර තිබිණි. ඒ කාලයේ වන්දනාවේ එන අය මහබෝධිය දක්වාම ගොස් වන්දනා මාන කලහ. එය දෙවැනි මලුව ( අද වන්දනා කරන තැන ) දක්වා සීමා ඌයේ 1929 ජූලි 30 වැනිදා වූ සිදුවීමක් පදනම් කරගෙනය.

එදා උදේ ජේමිස් අප්පු නැමැති අයෙක් මහා බෝධිය වෙත පැමිණ ඇත. මලුවේ සිට ඇත්තේ ඔහු පමණි. අද මෙන් වන්දනා කරුවන් පිරිසකගෙන් පිරී නොපවතින අවධියකි. ඒ කාලයේදී ඉදහිට එන අයෙකු දෙන්නෙකු මහා බෝධිය අභියසට ගොස් වන්දනා කර යන්නේය. ජේමිස් එදා ආවේ මහ බෝ වදින්නට නොවේ. වට පිට බලා මහ බෝධිය පගට ගිය ඔහු පොරවක් රැගෙන බෝධියේ අත්තකට වේගයෙන් කොටන්නට විය. බෝධි මලුවේ කිසිවෙක් නැත. ඒ නිසා ජේමිස් පාඩුවේ මහ බෝධියේ අත්තට කොටමින් සිටී.මහ බෝධිය පැත්තෙන් ගහට කොටන හඩක් ආවාසයේ වැඩ සිටි හාමුදුරුවන්ට හා කැප කරුවාට ඇසී ඇත. මේ දෙන්නා කෑ ගසමින් මහ බෝධිය දෙසට දිව ආහ. නමුත් ඒ වනවිටත් ජේමිස් මහ බෝධියේ විශාල අත්තක් සම්පූර්ණයෙන් කපා දමා තිබුණි.

මෙය ජේමිස් කලේ ඇයිද යන්නට විවිධ කථා ප්‍රවෘත්ති එවක පලවිණි. සමහරු කීවේ ජේමිස් මෙය උන්මත්තකව කල වැඩක් යනුවෙනි. තවත් අය කීවේ ජේමිස් බීමතින් කරන්නට ඇති බවය. සමහරැ පැවසුවේ අන්‍යාගමිකයන්ගේ පෙළඹවීම මත ඔහු එය කර ඇති බවය. කෙසේ වෙතත් ජේමිස් කල පාඩුව ආපසු හැරවීමට කාටවත්ම නොහැකි විය. එය ඒ නිසා විශාල පාඩුවක් බවටම පත්විය. ජේමිස් විසින් කැපූ අත්ත ආදාහනය කෙ‍රිනි. ඒ සදහා විශාල පිරිසක් සහභාගි විය. අදත් ජය ශ්‍රී මහා බෝධියේ චායාරූපයේ කපන ලද අත්තක කොටසක් ලෙස දැක්වෙන්නේ එදා ජේමිස් බෝධියට කල විනාශයයි. ඒ අනුව මහ බෝධියේ ආරක්ෂාව සදහා එකලම අටමස්ථානාධිපති නාහිමියෝ මුල් වී යකඩින් වැටක් සවි කරවා තිබේ.. එම යකඩ වැට සවිකලාට පසු වන්දනා කරුවන්ට පවා මහ බෝධිය අසලට යාම සීමා කෙරිනි. අදටත් පවතින්නේ ජේමිස් කල අපරාධයෙන් මසු මහ බෝධියේ ආරක්ෂාව උදෙසා ගත් තීරණයේ ප්‍රතිඵලයයි.

දැන් යකඩ වැට වෙනුවට විශේෂ රන්වැට පිහිටා ඇත. දැනට අවුරුදු 15- 20 කට පෙර මහා බෝධියේ අලුත් රිකිල්ලක් හටගැණිනි. එය දුර්ලභ ලෙස සිදු වූවකි. මේ වනවිට එම රිකිල්ල ඉතාම හොදින් වැඩී පැවතීම සමස්ථ බෞද්ධ ප්‍රජාවගේම වාසනාවක් ලෙස දැක්විය හැකිය.ජය ශ්‍රී මහා බෝධිය අපේ රටේ ජනතාව කවර විපතක් වේවා, කවර සැපතක් වේවා, කලින් සිහිපත් කරන උතුම් ස්ථානයකි. ජය ශ්‍රී මහා බෝධිය අසලට ප්‍රතිපත්තියෙන් පේ වී පැමිණ පුද පූජා පවත්වා තමන්ගේ යහපත් කාරණා කී විට එය ඉෂ්ඨ වන බව බොහෝ සැදැහැවත්තු සලකති. මේ පිලිබද නොයෙක් කථා අතරින් දඹදිව ජය ශ්‍රී මහා බෝධි ඉතිහාසයේ එක් කථාවක් උපුටා දක්වමි. සුජාතා සිටු දියණිය දරු සම්පතක් පතා ඇසතු බෝධියට බාරයක් වූවාය. සිද්ධාර්ථ බෝධි සත්වයෝ බෝමැඩ සම්බුද්ධත්වය අධිෂ්ඨාන කල දා සුජාතාව කිරිපිඩු පූජා කලේ දරු සම්පත ලද සතුට මෙන්ම බාරය ඔප්පු සිද්ධ කිරීම වෙනුවෙනි. ඒ අනුව අතීතයේ පටන් ඇසතු බෝධිය නොයෙක් බාර හාර වෙනුවෙන් මහ ජනයා භාවිතා කර ඇති බව පෙනේ.

එය වඩාත් අර්ථ සම්පන්න වූයේ මහ බෝසතාණන් සම්බුද්ධත්වයට පත් වීමෙන් පසු ඇසතු බෝධිය සියලු බෞද්ධ ජනතාවගේ පූජා භක්තියට වැඩ වැඩියෙන් පාත්‍ර වූ බැවිනි.ලක්දිව පිහිටි ජය ශ්‍රී මහා බෝධියද සියලු බෞද්ධ ජනතාවගේ ප්‍රාර්ථණීය බෝධියක් බවට පත්ව ඇත. කවර සුභ කටයුත්තකටත් පෙර අපේ රටේ ජනයා මහ බෝ වැද ආශිර්වාද ලබා ගනිති. යම් යම් අපල අපද්‍රවයන්, රෝග පීඩා ආදිය ප්‍රශ්න, ගැටලු, දුෂ්කර කාල සමයන් හිදී මහ බෝධිය වෙත පැමිණ පුද පූජා පවත්වා තම තමන්ගේ දුක සැලකොට නිවීම සැනසීම ඉල්ලා සිටිති. පැරණි කාව්‍යයන්හිද මහ බෝ අනුහස මහ ජනයා පැතූ ආකාරයටම පහත පරිදි දැක්විය හැකිය.

මහ බෝධිය බුදුරජාණන් වහන්සේ හා සම‍ාන ජීවමාන වස්තුවකි. රටේ යම් විපතක් දුෂ්කර කාල සීමාවක් පවා මහ බෝධියේ විවිධ පක්ෂණ වලින් විද්‍යාමාන වන බව ජනශ්‍රැත පර්යේෂක මාමිණිය‍ාවේ ඉලංගසිංහ මහතා පවසයි.රටේ දුගති දායක කාල පරිච්ඡේද වලදී මහ බෝධියේ පත්‍ර අදුරු පැහැ ගන්නා බව කියැවේ. එසේම රටේ යහපත් කාල සීමාවන් හිදී මහ බෝපත්‍ර රන් වන් පාටින් දිදුලන බවද කියැවේ. එය අපූර්ව හාස්කමක් හැටියට සැලකිය හැකිය. සමහරක් මහ බෝ පින්කම් අවස්ථාවල බෝපත්‍ර රන් වන් පාටින් දිදුලීම බොහෝ දෙනා දුටු ආශ්චර්යමත් සිදුවීමක් ලෙස දැක්විය හැකිය. එසේම රටේ විපත්තිකර අවස්ථාවල බෝධිය එය පෙර දැක් වූ ආකාරය මාමිණියාවේ ඉලංග සිංහ මහතා අපිට විස්තර කලේය.

ගාමිණී දිසානායක මහතා එල්.ටී.ටී.ඊ බෝම්පයකට හසුවීමට දින කිහිපයකට පෙර මහ බෝධි වන්දනාවට පැමිණි අවස්ථාවේ බෝධියේ අතු ශාකාවක් කැඩී ගියේය. ඉන් පෙන්නුම් කලේ දිසානායක මහතාට යම් විපතක් සිදුවීමේ ඉඩකඩ පවතින බවය. එසේම චන්ද්‍රිකා බණ්ඩාරණායක මැතිණිය ජනාධිපතිනිය සමයේ මහබෝ වදින්නට පැමිණියාය. එදිනද මහ බෝ අතු ශාකාවක් කැඩී ගියේය. ඉන් දින කිහිපයක් ඇවෑමෙන් ජනාධිපතිනිය සමභාගී වූ රැස්වීමේ බෝම්බ පුපුරා මිනිස් ජීවිත රාශියක් අහිමි වූ අතර එතුමියගේද ඇසක් ආභාධයට ලක්විය.

මේව බොරු නෙවෙයි. මහ බෝධිය රටේ විපත් අවස්ථා පෙන්නුම් කරනවා. රටේ දේශපාලන අවුල් වියවුල් පවතින අවස්ථාවල බේ පත්‍ර අදුරු පාට වෙනවා. පසුගිය කාලයේත් එහෙම උනා. මහ බෝධියේ සිදුවන සුලු සුනු වෙනස්කම් ගැඹුරින් නිරීක්ෂණය කලොත් රටේ උදා වී ඇති තත්වය මෙන්ම ඉදිරියට උදාවන්නේ හොද කාලයක්ද නරක කාලයක්ද කියල තීරණය කරන්න පුලුවන්. ශ්‍රී මහා බෝදිය කියන්නේ මේ රටේ ආරක්ෂක වස්තුවක්. ඉලංගසිංහ මහතා කීවේය.