ඇස් පෙනීම වැඩි කරන ස්වභාවික පානයක්

ඔබේ ඇස් පෙනීම වැඩි කර ගන්නත්, ඇස් වටා ප්‍රදේශයට ඉතා හොඳ සත්කාරයක් ලබා දෙන්නටත් හැකි පුදුමාකාර සංයෝගයක් තියෙනවා. පුදුමය කියන්නේ මේක හදන්න අවශ්‍ය වෙන්නේ අපිට ඉතා පහසුවෙන් සොයා ගන්න පුළුවන් දේවල් කිහිපයක් විතරයි. හදා ගන්නත් විශාල දැනුමක් ඕන වෙන්නේ නෑ, මේකේ කියලා තියෙන දේවල් ටික කරන්න විතරයි තියෙන්නේ.මේ සංයෝගය සමහර වෙලාවට අවිදුර දෘෂ්ටිකත්වය (දුර නොපෙනීම) කියන අක්ෂි රෝගය හොඳ කරන්නත් සමත් කියලා විද්‍යාත්මකව තහවුරු වෙලා තියෙනවා. ලංකාවේ වැඩි දෙනෙක්ට තරුණ කාලේදී තියන ප්‍රශ්නයක් තමයි මේක, මොකද දිගටම පොත් පාඩම් කරලා, ෆෝන් තිර, මොනිටර් දිහා බලා ගෙන ඉඳලා ඇස් වලට දුර දකින්න හරිම අමාරු වෙලානේ තියෙන්නේ.

ඒ වගේම මේක ස්වභාවික දේවල් පාවිච්චි කරලා හදන නිසා කවදාවත් අතුරු ආබාධ ඇති වෙන්න ඉඩක් නැහැ. අනික යොදා ගන්න හැම දෙයක්ම ඉතා අඩු මිලට ලබා ගන්න පුළුවන් නිසා දොස්තරලා චැනල් කරලා, ෆාමසි ගානේ රස්තියාදු වෙලා සල්ලි නාස්ති කරන්න අවශ්‍යත් නෑ. ඇස පෙනීම වර්ධනය කරනවාට අමතරව මෙමගින් ඇස වටා ප්‍රදේශයට ලබා දෙන සත්කාරය නිසා එහි ඇති තද පැහැය ඉවත් වෙලා, එල්ලා වැටීම නැති වෙලා මුහුණට බොහොම තරුණ පාටක් ලබා ගන්න පුළුවන්. තවත් කිව්වොත් අපේ ඇඟ නීරෝගී කරන පෝෂක වර්ග බොහෝමයකුත් මෙයින් ලබා ගන්න පුළුවන්. විශේෂයෙන්ම ඔබේ කොණ්ඩයට මෙයින් හොඳ පෝෂණයක් ලබා ගන්න පුළුවන්. මේක කරන්න ගත්තාම කොණ්ඩය කැඩී යන එක සැලකිය යුතු ප්‍රමාණයකින් අඩු වෙනවා කියලා ඔබටම වැටහේවි.

ඉතින් මේක ඇත්තටම හදලා බලන්න වටිනවා නේද? මේකට අවශ්‍ය දේවල් ප්‍රමාණය බොහොම සුළු වුණත්, හදා ගන්න යන වෙලාව පොඩ්ඩක් වුනත් ලබා ගන්න පුළුවන් සෞඛ්‍යමය ප්‍රයෝජන නම් ඇති මහත්. මේක හදා ගන්න පහලින් තියෙන උපදෙස් ටික අනුගමනය කරන්නයි තියෙන්නේ. ඕන කරන දේවල් ටික මෙන්න.

• සුදු ළූණු බික් 3ක්.
• පිරිසිදු මී පැණි මේස හැඳි 10ක්. ආයුර්වේද වෙළඳසැලකින් ගන්න.
• හණ ඇට ග්‍රෑම් 200ක්. මේකත් එතැනින්ම ගන්න පුළුවන්.
• ලෙමන් ගෙඩි 4ක්.

මුලින්ම සුදු ළූණු ටික පොතු ඇරලා අරගෙන වංගෙඩියකට දාලා හොඳට කොටා ගන්න. ලෙමන් ගෙඩි වල පිට පොත්ත ඉවත් කරලා සිහින් පෙති වලට කපන්න. මේක පුළුවන් තරම් හීනි වෙන තරමට හොඳයි. මේ ලෙමන් පෙති ටික වීදුරු ජෝග්ගුවකට දාල ඊට උඩින් හොඳින් කොටා ගත්තු සුදු ළූණු ටික දාන්න. දැන් හණ ඇට ටිකයි, මී පැණියි මේකට දාලා ලී හැන්දකින් හොඳට මිශ්‍ර කරන්න. (පොල් කටු හැන්දක මිට වුනත් පාවිච්චි කරන්න පුළුවන්) ඊට පස්සේ මේකේ මූඩිය තදට වහලා සිසිල් තැනක තියන්න. මතක තියා ගන්න මේක නරක් නොවෙන නිසා ශීතකරණයේ තියන්න අවශ්‍ය නෑ.

දැන් හැමදාම කෑමට කලින් මේකෙන් මේස හැන්දක් අරගෙන කන්න. මේක දවසේ කන ප්‍රධාන ආහාර වේල් තුනටම විනාඩි කිහිපයකට කලින් කන්න අවශ්‍යයි. මේක ඇතුලතින් පෝෂණය ලබා දෙන ක්‍රමයක් නිසා ඇස වටා ආලේප කරන්නේ නැහැ හොඳේ?කලිනුත් කිව්වා වගේ මෙහි අඩංගු ස්වභාවික සංයෝග වලින් ඔබට විශාල පෝෂණ ගුණයක් ලබා දෙනවා. වැඩි කාලයක් නොයාම ඔබට ප්‍රතිඵල අත් විඳින්න පුළුවන්. බොහෝ වෙලාවට ඔබ හදා ගත්තු පළමු මිශ්‍රණ ජෝග්ගුව අවසන් වෙන්නත් කලින්ම ඔබේ ඇස් පෙනීම දියුණු වෙලා, ඇස් වටා කළු ලප ඉවත් වෙලා, ඔබේ කොණ්ඩය වෙනදාට වඩා පිරිපුන් වෙලා තියෙන බව දකින්නට පුළුවන් වේවි. ඔබ අවුරුදු 35ට වැඩි කෙනෙක් නම් තරුණ පෙනුමකුත් නිකන්ම ලැබේවි. ඒ නිසා නවත්වන්නේ නැතිව දිගටම මේක පාවිච්චියට ගන්න.

ඇස් පෙනීම වර්ධනය කරන අක්ෂි ව්‍යායාම් 10ක්-එක දිගට වරු ගණන් පරිගණක තිරය හෝ රූපවාහිනිය දෙස බලාගෙන සිටීම ඇස් වලට කිසිසේත්ම හොඳ නැහැ. ඉක්මණින් කන්නාඩි පළදින්න වනවා සේම ඇස් වියලීම, ඇස් කැසීම, හිසරදය වැනි අතුරු ආබාධ එන්නටත් පුළුවන්. එත් එහෙමයි කියල, රූපවාහිනිය හෝ පරිගණකය නරඹන එක නතර කිරීම ප්‍රායෝගික නැහැ. නමුත් ඒ දේවල් කරන අතරතුරම ඇස් වල ආරක්ෂාව වෙනුවෙන් කරන්න පුළුවන් ව්‍යායාම කිහිපයක් නම් තිබෙනවා.ඉතින් අද දවසේ අපි සඳහන් කරන්න යන්නේ ඉතා පහසුවෙන් ඇස් වලට කරන්න පුළුවන් ව්‍යායාම දහයක් පිළිබඳවයි.වේලාව තිබෙන විදිහට මේ ව්‍යායාම ටික හැමදාම කළොත් ඉක්මනට කන්නාඩි දාන වෙන එකකුත් නැහැ, කලින් කියපු අතුරු ආබාධ එන එකකුත් නැහැ. එසේම ටික දවසක් කරනකොට ඇස් වල පැහැදිලි වෙනසකුත් තිබෙන බව ඔබට තේරේවි.

අඳුර දෙස බලා සිටීම-ප්‍රථමයෙන්ම අත් දෙක බොකුටු කර, වටපිටාවේ ඇති දේවල් සහ ආලෝකය නොපෙනනෙන ලෙසට ඇස් දෙකම වසා ගන්න. ඇස් දෙක විවෘත කර මේ දැඩි අන්ධකාරය දෙස විනාඩි කිහිපයක් බලා සිටින්න.

ඇස් දෙපසට ගෙන යාම-පහසු තැනක සිටගන්න. නැත්නම් පුටුවක කොන්ද කෙලින් තබා වාඩි වෙන්න. දැන් ඔලුව හරවන්නේ නැතුව ඇස් දෙක පමණක් කරකවා වම් පැත්ත බලන්න. ඒ පෙනෙන දේට දෑස් යොමා හොඳින් බලා සිටින්න. ඊළඟට ඔලුව හරවන්නේ නැතුව දකුණට ඇස් හරවා බලා සිටින්න. මේ ආකාරයට ඇස් දෙකෙන් පස්වරක් වම සහ දකුණ බලන්න. මේ චක්‍රය 3 වරක් පමණ කරන්න.

ඇස් ඉහළ පහළ ගෙන යාම-කලින් කියූ සේම පහසු තැනක සිටගන්න. නැත්නම් කෙලින් වාඩි වෙන්න. ඇස් දෙක ඉහළට කරකවා උඩ බලන්න. අවශ්‍ය නම් නළල රැලි වට්ටන්න. ඔබට පෙනෙන දේ ගැන දෑස් යොමා සිටින්න. ඊළඟට ඔලුව හරවන්නේ නැතුව ඇස් දෙකෙන් පහල බලන්න. මේ ආකාරයට ඇස් දෙකෙන් පස්වරක් ඉහළ සහ පහළ බලන්න. මේ චක්‍රයත් 3 වරක් පමණ කරන්න.

ඇස් විකරණය දිගේ දෙපසට ගෙන යාම-නැවතත් පහසු තැනක සිටගන්න. නැත්නම් කෙලින් වාඩි වෙන්න. ඇස් වලින් වම් පස පහළ බලන්න. දැන් ඇස් එහි විකරණය දිගේ ගෙන යමින් දකුණු පස ඉහළ බලන්න. මෙලෙස ඇස් දෙක පස්වරක් දෙපසට විකරණය දිගේ ගෙන යන්න. මේ චක්‍රයත් 3 වරක් පමණ කරන්න.

ඇස් රවුමට කරකැවීම-පහසු තැනක වාඩි වෙන්න. ඇස් වලින් වම් පස පහළ බලන්න. දැන් ඇස් රවුමට පස්වරක් දක්ෂිණාවර්තව කරකවන්න. ඉන්පසු වාමාවර්තව පස්වරක් කරකවන්න. මේ චක්‍රයත් 3 වරක් පමණ කරන්න.

ළඟ සහ දුර බැලීම-පැන්සලක් හෝ අතේ ඇඟිල්ලක් ඇස්වලට සෙන්ටිමීටර් 20ක් ඉදිරියෙන් නාසයට කෙලින් තබාගන්න. දැන් මේ පැන්සල හෝ ඇඟිල්ල දෙස බලන්න. ඉන්පසු ඒ කෙලින්ම ඈත තිබෙන දෙයකට ඇස් යොමු කර හොඳින් ඒ දෙය දෙස බලන්න. නැවතත් පැන්සල දිහා බලන්න. මේ ආකාරයට පස් වරක් ඈත සහ ළඟ බලන්න. මේ චක්‍රයක් 3 වරක් පමණ කරන්න.

දෑස් යොමා සිටීම-පුටුවක් මත කෙලින් වාඩි වී හරි කෙළින් ඉදිරිය බලන්න. ඊළඟට ඇහි බැම දෙක අතර ලක්ෂ්‍යයක් දෙස බලා තත්පර කිහිපයක් දෑස අයාගෙන සිටින්න. නැවතත් ඉදිරිය බලන්න. මෙලෙසට පස්වරක් ඈත සහ ළඟ බලන්න. මේ චක්‍රය 3 වරක් පමණ කරන්න.

දෑස් යොමා සිටීමේ දෙවන ක්‍රමය-පුටුවක් මත කෙළින් වාඩි වී හරි කෙළින් ඉදිරිය බලන්න. ඊළඟට නාසයේ කෙළවර දෙස බලා තත්පර කිහිපයක් දෑස අයාගෙන සිටින්න. නැවතත් ඉදිරිය බලන්න. මෙලෙස පස්වරක් ඈත සහ ළඟ බලන්න. මේ චක්‍රයක් 3 වරක් පමණ කරන්න.

ඇස් තෙරපීම-ඇස් දෙක හොඳින් වසාගන්න. ඉන්පසු අත් දෙකින් ඇස් දෙක වැඩිය තද නොකර ලාවට තත්පර දෙක තුනක් මිරිකන්න. ඉන්පසු ඇස් දෙක වටා ඇති මස්පිඩු බුරුල් කරන්න. නැවතත් ඇස් දෙක මිරිකන්න. මේ විදියට දස වතාවක් කරන්න.

ඇස් තෙරපීම-ඇස් දෙක හොඳින් වසාගන්න. ඉන්පසු පිල්ලම් දෙක ලාවට රවුමට තෙරපන්න. ඉතා තදින් මිරිකන්නත් එපා. මේ ආකාරයට වරකට වාමාවර්තවත්, අනෙක් වර දක්ෂිණාවර්තවත් ලෙස දස වතාවක් (එක දිශාවකට 5 බැගින්) ඇස් දෙක තෙරපන්න.